पैरवी अनलाइन
राम बहादुर बिश्वकर्मा
प्युठान,स्थानीय स्तरमा उत्पादन गरिएका बस्तुहरुको बजारीकरण गर्नका लागी प्युठानको गौमुखी गाउँपालिका वडा नम्बर ५ खुङमा स्थानीयले हाट बजार लगाउन थालेका छन्।
उत्पादकलाई सिँधै उपभोक्तासँग जोड्नका लागि कृषि हाट बजार सञ्चालनमा ल्याइएको गौमुखी गाउँपालिकाका वडा नम्बर ५ ले जनाएको छ।
गाउँपालिकाले कृषि बजार सञ्चालनमा ल्याएसँगै किसानहरूमा खुसी छाएको छ।पहिला उत्पादित कृषि वस्तुले बजार पाउँदैन थिए।
हाटबजारमा सहभागी एक किसानले भने,‘पहिला हामीले उत्पादन गरेको वस्तु बिक्री नै हुँदैन थियो । यस्ता वस्तुहरूले बजारको समस्या झेल्दै आएका थियौँ। स्थानीय उत्पादन प्रचार र बजार नपाएका स्थानीय उत्पादनको प्रचारका साथै बजारीकरणमा कृषि बजारले ठुलो सहयोग पुर्याउने छ।’उक्त हाट बजारमा किसानहरूले आफूले उत्पादन गरेका सबै कृषि उपज बिक्री गर्न सक्ने छन् ।
गाउँमै हाट बजार सञ्चालनमा आएसँगै थोरै थोरै भए पनि अब कृषि वस्तु उत्पादन गर्न तर्फ लाग्ने किसानहरू बताउँछन् ।
उत्पादन गरेका फलफूल,तरकारी र अन्न सजिलै स्थानीय बजारसम्म लिएर बिक्री गर्दा किसान पनि निकै खुसी छन्।त्यहीका एक किसानले भने,‘मलाई अझै सम्झना आउँछ,जान्ने भएदेखि अस्तिसम्म आँगनमै फलेका तरकारी,फलफूल र अन्न बारीमै कुहिएर खेर आएको र दुःख गरेको वस्तुले बजार नपाउँदा भएको पिडा।अव नजिकै हाट बजार खुलेपछि उत्पादित वस्तु बजारमा बिक्री गर्न सजिलो हुनेछ।
दुर्गम स्थानहरूको सानो क्षेत्रमा उत्पादन हुने निकै सानो परिमाणका रैथाने बालीहरू र तरकारी थोरै कृषि उपज बजारसम्म पुर्याएर ग्रामीण स्वरोजगार वृद्धि र ग्रामीण अर्थतन्त्र बलियो बनाउन उद्देश्यले कृषी हार्ट बजार सन्चालनमा ल्याइएको गौमुखी गाउँपालिकाका वडा नम्बर ५ का वडा अध्यक्ष बरुणध्वज मल्लले बताए।
हाट बजारले स्थानिय स्तरमा उत्पादन भएका बस्तुहरु र कृषि जन्य पदार्थहरु बिक्रि वितरणमा सहज हुने र प्रचार प्रसारमा टेवा पुग्ने वडा अध्यक्ष मल्लको भनाई रहेको छ।
बजारमा सहभागी उपभाेक्ताहरूकाे प्रतिकृया अनुसार बजारमा कृषि जन्य बस्तुहरू सस्ताे मुल्यमा पाएको बताएका छन। बजारले उत्पादन गर्ने कृषक र किनेर खाने र उपभाेक्ता दुबैलाइ फाइदा भएकाे बताएका छन।अब प्रत्येक साताको शनिबार हाट बजार लाग्नेछ।
सम्बन्धित खवर
प्रतिक्रियाहरू (0)
प्रतिक्रिया राख्नुहोस्
प्रतिक्रिया राख्नुहोस्