पैरवी अनलाइन
राम बहादुर बिश्वकर्मा
प्युठान,हिन्दू महिलाहरूको विशेष पर्व हरितालिका तीज नजिकिँदै गर्दा प्युठानका सुनचाँदी पसलहरूमा उल्लेखनीय चहलपहल देखिएको छ।विशेषतःबजार क्षेत्रहरूबिजुवार,बाग्दुला,भिङ्री,खलंगा,मच्छी,बाहाने,बरौला,ठुलाबेशी,जुम्री,बड्डाडाका गहना पसलहरूमा महिला ग्राहकहरूको घुइँचो लाग्न थालेको छ।
सुनको भाउ उच्च तर किनमेल उस्तै
सुनको मूल्य प्रतितोला १ लाख ९५ हजार नाघिसकेको छ।तर ग्राहकको संख्या भने घटेको छैन। 
तीज लक्षित छुट अफर,पुराना गहना साट्ने योजना र आकर्षक प्याकेजले पनि ग्राहक तान्न सफल भएका हुन।परम्परागतदेखि आधुनिक ढाँचासम्मका गहना पसलमा सजिएर राखिएका छन्।
“तीज आउनै लाग्दा ग्राहक संख्या दोब्बर भएको छ।,”प्युठान नगरपालिका-४ बिजुवार स्थित माल्भिका ज्वैलर्सका सन्चालक भन्छन्,"मूल्य जे भए पनि चाडपर्वमा गहना किनिन्छ भन्ने नेपाली समाजको सोच अझै जीवित छ।"उनका अनुसार,अहिले झुम्का,हार,मंगलसूत्र,तिलहरी र साना-साना गहनाको माग धेरै छ।
तस्बिर :महिलाहरुको महान चार्ड हरितालिका तिजको अबसरमा विशेष छुट सहित उहाँहरुको रोजाई र चाहना अनुसार आधुनिक डिजाइनका गहना बिक्री तथा साटफेर समेत गर्दै आएका छौँ।
मीन राज गहतराज
संचालक माल्भिका ज्वैलर्स
सांस्कृतिक र आर्थिक गतिविधि सँगसँगै तीज महिलाहरूको आत्म-अभिव्यक्ति र सांस्कृतिक गौरवको पर्व मात्र होइन,यसले बजारमा ठुलो आर्थिक चहलपहल पनि ल्याउने गर्छ। सुनचाँदी व्यवसायमा तीजकै समयमा सबैभन्दा बढी कारोबार हुने व्यवसायीहरूको अनुभव छ।
सम्बन्धित खवर
प्रतिक्रियाहरू (0)
प्रतिक्रिया राख्नुहोस्
प्रतिक्रिया राख्नुहोस्