पैरवी अनलाइन
राम बहादुर बिश्वकर्मा
प्युठान,प्युठान नगरपालीकाले आगामी आर्थिक वर्ष २०८१/०८२ को निति,कार्यक्रम र बजेट निर्माणका बिषयमा विभिन्न सरोकारवाला निकायहरुसँग वृहत अन्तरक्रिया तथा सुझाव संकलन कार्यक्रमको आयोजना गरेको छ ।
आइतबार होटल आयुष्मामा आर्थिक बर्षको निती,कार्यक्रम र बजेट निर्माणका बिषयमा सरोकारवालासँग वृहत अन्तरक्रिया तथा सुझाव संकलन गरिएको हो।
सुझाब संकलनका क्रममा सहभागि सरोकारवालाले अनुदानलाई प्रोत्साहनमा रुपान्तरण,कृषि,पशु,शिक्षा र स्वास्थ्य क्षेत्रमा सुधार,फोहोरमैला व्यवस्थापन,राजश्व सुधार र पालिकाले दिने सेवा प्रवाहमा सुधार ल्याउनुपर्ने सुझाब दिएका छन ।
कार्यक्रममा नगरपालीकाका सस्थापक नगर प्रमुख अर्जुनकुमार कक्षपतिले सामुहिक हित हुने कार्यक्रमहरु मिलाएर निति निमार्ण गर्न सुझाव दिएका थिए ।
कृषि,पर्यटन,लघु उद्यमको माध्यमबाट आर्थिक क्रियाकलाप वृद्धि गर्ने,पूर्वाधार निर्माण,शिक्षा र स्वास्थ्यको गुणस्तर वृद्धि गर्ने खालका विषय प्राथमिकताका रुपमा रहेनुपर्ने उनको सुझाव छ।
पालिकाको प्राथमिकताका विषय पहिचानमा सहजता,जनताको चाहना र भावना बुझ्दै बजेटलाई यथार्थ फरक बनाउन रायसुझाव माग गरिएको प्युठान नगरपालिकाका नगर प्रमुख बिष्णु योगिले बताए ।
नगरपालिकाले प्राथमिकताका आधार तोकेर सम्बन्धित विषयमा रायसुझाव माग गरेको छ। नगर प्रमुख योगिले भने -‘पालिकाले मुख्यगरी आर्थिक क्रियाकलापमा जनतालाई जोड्ने, शिक्षा र स्वास्थ्यको गुणस्तर वृद्धि गर्ने जस्ता विषयलाई प्राथमिकता दिने लक्ष्य छ’,उनले भने, ‘यसैलाई आधार मानी आगामी आर्थिक वर्षको नीति,कार्यक्रम र बजेटमा राय सुझाव माग गरेका छौँ ।’
सबैको अपनोत्व हुने गरि आवस्यक्ताको आधारमा काम गर्ने गरि नीति बनाउने र आगामी बजेट सिलिङ हुने समय सम्म पनि सुझाव तथा रचनात्मक सहयोग,निति र बजेटमा समाबेस गर्ने प्रतिबद्धता ब्यक्त गरे ।
कार्यक्रममा प्रमुख प्रसासकिय अधिकृत नारायण प्रसाद भण्डारीले स्वागत र कार्यक्रमको सहजीकरण प्युठान नगरपालिका वडा नम्बर ८ कि वडा सचिब सिवा रावत ले गरेकि थिइन।
सोही अबसरमा १ बर्षको नगरपालिकाको उपलब्धिका विषयमा प्रतिबेदन प्रस्तुत गरिएको थियो।
कार्यक्रममा स्थानीय राजनीतिक दलका प्रमुख तथा प्रतिनिधि, शिक्षक,सरकारी कर्मचारी,पत्रकार, नागरिक समाज लगायतको सहभागिता रहेको थियो।
सम्बन्धित खवर
प्रतिक्रियाहरू (0)
प्रतिक्रिया राख्नुहोस्
प्रतिक्रिया राख्नुहोस्