पैरवी अनलाइन
राम बहादुर बिश्वकर्मा
प्युठान,वर्षायाममा यि सडक हिलाम्मे र हिंउदमा धुलाम्मे हुनु त कुनै नौलो कुरा होईन ।हिंउदमा कुईरीमण्डल धुलो उडेर मान्छे चिन्नै नसक्ने हुन्छ भने वर्षातमा पानी पर्दा ढलको सहि व्यवस्थापन नहूंदा बाढि आए सरह हुन्छ प्युठानका यि सडकमा ।
सदरमुकामदेखि जिल्लाका विभिन्न गाउँ जाने सडकको अवस्था अहिले बिजोग छ । त्यस्तै प्युठान नगरपालिका ९ मरन्ठाना क्षेत्रमा पर्ने कच्ची सडक, त्यसमाथि पानीले हिल्लामे बाटोको यात्रा जोखिमपूर्ण बनेको छ । वर्षातका कारण कच्ची सडकहरु ठाउँ–ठाउँमा भत्किनुका साथै खाल्टाखुल्टीले हिलाम्मे भएपछि यात्रुहरुले गाडी धकल्दै लैजानु पर्ने बाध्यता छ । भत्किएका र हिलाम्मे सडकमा जोखिम मोलेर भए पनि यातायातका साधन सञ्चालन गर्नुपर्ने र यात्रुहरुलाई पैदल नै यात्रा गर्नुपर्ने बाध्यता रहेको छ ।
सडकको अवस्था हेर्दा खेतमा रोपाई गर्न गएको जस्तो देखिन्छ । यात्राको करीब आधा समय गाडी धकल्दैमा बिताउँछन् यात्रुहरु समृद्ध नगर,स्वच्छ र सुन्दर होस भन्ने सवैको चाहना छ । यि कुरा केवल नारामा मात्रै सिमित भईरहेका छन् । तर त्यही सुन्दर नाराको सुन्दरतामा नगरको पहिचान अहिले धुवां धुलो, विग्रेको खाल्डाखुल्डी सडकको नामले परिचित छ ।
सडकमा पैदल यात्रीलाई प्राथमिकतामा राखिनेछ,भित्री सडक पैदलयात्रीमैत्री बनाइनेछ, सडकको चौडाइ अनुसार प्रत्येक बाटोमा फुटपाथलाई प्राथमिकता दिइनेछ, यत्रतत्र राखिने निर्माण सामाग्री लाई ब्यबस्थापन गरिनेछ भन्ने कुराहरु कथा जस्तै लाग्न थालिसके ।
समग्रमा सडक सुधारको सामान्य योजना बनाएमात्रै पनि सडक निर्माणको काम समयमा सम्पन्न गर्न त्यति कठिन नहुने स्थानीय बताउँछन्।
सम्बन्धित खवर
प्रतिक्रियाहरू (0)
प्रतिक्रिया राख्नुहोस्
प्रतिक्रिया राख्नुहोस्