पैरवी अनलाइन
राम बहादुर बिश्वकर्मा
प्युठान,प्युठामा यो वर्ष विस्तार भएको चैते धान बालीमा देखिएको समस्या बुझ्न प्रधानमन्त्री कृषी आधुनिकिकरण परियोजना कार्यान्वयन इकाईले स्थलगत अनुगमन शुरु गरेको छ ।
यस बर्ष बिस्तार गरिएको चैते धानमा जिंक,पात बेरुवा र गवारो किराको समस्या देखिन थालेपछि इकाईका प्रमुख सहित प्राविधिक कर्मचारीहरु कृषकका खेतबारीमै पुगेका हुन।
चैते धान उत्पादन सुरु गरेका किसानहरुलाई हौसला दिन,रोग किराको समस्या बुझ्न अनुगमन शुरु गरिएको कार्यालयले जनाएको छ ।
कार्यालय प्रमुख चुमान गिरी सहित प्राविधिकहरुले यस बर्ष बिस्तार गरिएका पालिकाका प्रत्येक किसानको खेतमा पुगेर धानवालीको समस्या संकलन गर्न शुरु गरिएको जानकारी दिईएको छ।
मङ्गलबार अनुगमन गर्दा जिंक,पात बेरुवा र गवारो किराको समस्या देखिन लागेको कार्यालय प्रमुख गिरीले बताउनुभयो।
उहाँका अनुसार किसानलाई समस्या समाधानका उपायहरुको बारेमा सुझाव दिईएको छ।
सम्बन्धित खवर
प्रतिक्रियाहरू (0)
प्रतिक्रिया राख्नुहोस्
प्रतिक्रिया राख्नुहोस्