पैरवी अनलाइन
राम बहादुर बिश्वकर्मा
प्युठान,स्थानीय पाठ्यक्रम अन्तर्गत मरन्ठाना मजुवास्थित बालबिद्या माध्यमिक विद्यालयका कक्षा ८ का विद्यार्थीहरूले स्थानीय स्रोत र परम्परागत सीपको प्रयोग गर्दै दुना–टपरी निर्माण सम्बन्धी प्रयोगात्मक कार्य सफलतापूर्वक सम्पन्न गरेका छन्।
सैद्धान्तिक ज्ञानसँगै व्यवहारिक अभ्यासलाई जोड दिँदै स्थानीय संस्कृति,सीप र स्वावलम्बनमा आधारित उक्त सामाग्री तयार गरि प्रदर्शन गरेका हुन।
तस्वीर :स्थानीय पाठ्यक्रममा आधारित दुना-टपरी निर्माण गर्दै बाल बिद्या माध्यमिक बिध्यालय मरन्ठाना मजुवामा अध्ययनरत कक्षा ८ का बिध्यार्थिहरु
यस कार्यक्रमले विद्यार्थीहरूमा सिर्जनात्मकता,आत्मनिर्भरता र वातावरण प्रेमी सोचको विकास गर्न महत्त्वपूर्ण भूमिका खेल्ने बताइएको छ।
"दुना–टपरीले हाम्रो परम्परा पहिचान,संस्कृति र प्रकृतिसँगको सम्बन्ध जोगाइरहेको बिध्यालयका प्र.अ केशु गिरीले बताउनुभयो।
"विद्यार्थीहरूलाई यस्ता सीपमा प्रशिक्षित गर्नु भनेको उनीहरूलाई आत्मनिर्भर,सिर्जनशील र संस्कारयुक्त बनाउनु हो। उहाँले भन्नुभयो,दुना–टपरीको संरक्षण आजको आवश्यकता हो र यस्ता सीप तथा सामाग्रीलाई जोगाइ राख्नु हामी सबैको दायित्व हो।"
उहाँका अनुसार प्लास्टिकजन्य वस्तुले वातावरणमा नकारात्मक असर पारिरहेका बेला यस्ता जैविक र पुनःप्रयोग योग्य सामग्रीहरूको संरक्षण र प्रवर्द्धन अझ आवश्यक भएको छ।
परम्परागत रूपमा प्रयोग हुँदै आएको दुना–टपरी जस्ता जैविक सामग्रीको संरक्षण र प्रवर्द्धनमा विद्यालयको सक्रियता अत्यन्त सराहनीय भएको बुढापाका बताउँछन।
यस गतिविधिले शिक्षा प्रणालीमा स्थानीयता,संस्कृति र वातावरणीय सचेतनाको समावेश कत्तिको प्रभावकारी हुन सक्छ भन्ने सन्देश दिएको जानकारहरुको भनाई छ।
विद्यार्थीहरूले आफ्नै हातले बनाएको दुना–टपरी विद्यालयको आन्तरिक प्रदर्शनीमा प्रदर्शन गरिएको थियो।
सम्बन्धित खवर
प्रतिक्रियाहरू (0)
प्रतिक्रिया राख्नुहोस्
प्रतिक्रिया राख्नुहोस्