पैरवी अनलाइन
रुपन्देही,नेकपा एमाले प्यूठानले पार्टीको लुम्बिनी प्रदेश अधिवेशनमा अध्यक्षको उम्मेदवार रहेका हरि रिजालको सदस्यता रहेको जानकारी निर्वाचन आयोगलाई दिएको छ। रिजाल केन्द्रीय सदस्य भएकाले उनको पार्टी सदस्य काठमाडौं गएको र उनको प्रतिनिधित्व वैधानिक नभएको भन्दै बुटवलमा जारी प्रदेश अधिवेशनको निर्वाचन समितिमा उजुरी परेपछि एमाले प्यूठान जिल्ला कमिटीले यस्तो जानकारी पठाएको हो ।
एमाले प्यूठानका जिल्ला अध्यक्ष विजय विराज विष्टले प्यूठानको नौबहिनी गाउँपालिका वडा नं ६ मा बस्ने हरि रिजालको जन्म ०२२/८/२ मा भएको र उनको संगठित सदस्य प्राप्त मिति ०४७/३/१९ मा रहेको तथा संगठित सदस्यता नम्बर १७५१ रहेको जानकारी निर्वाचन आयोगलाई दिएका छन् ।
यो पत्र उनले पार्टीको लुम्बिनी प्रदेश कमिटीलाई पनि बोधार्थ पठाएका छन् । तर,पत्रमा अहिले नवीकरण भएको मिति खुलाइएको छैन । उजुरी दिने पक्षले भने रिजालको सदस्यता अहिले जिल्लामा नभएको रेकर्ड पार्टी केन्द्रमा भएको भन्दै प्रश्न उठाएका छन् ।
सम्बन्धित खवर
प्रतिक्रियाहरू (0)
प्रतिक्रिया राख्नुहोस्
प्रतिक्रिया राख्नुहोस्