पैरवी अनलाइन
प्युठान, प्युठानमा विभिन्न पेशाकर्मीहरुको छाता संगठन पेशागत महासंघ नेपाल प्युठानको तेस्रो जिल्ला अधिबेशन बिजुवारमा सम्पन्न भएको छ ।
शुक्रबार जिल्लामा रहेका सरकारी तथा निजी क्षेत्रका विभिन्न पेशामा आबद्ध पेशाकर्मीहरुको हक हितमा काम गर्ने साझा संस्थाका रुपमा रहेको महासंघ प्युठानको तेस्रो जिल्ला अधिबेशनबाट नयाँ कार्यसमितिको चयन भएको हो ।
अधिवेशनले दल बहादुर के.सी.को अध्यक्षतामा ७ सदस्यीय नयाँ जिल्ला कार्यसमिति सर्वसहम्मत चयन भएको हो । जसको उपाध्यक्षमा राधा के.सी. सचिव गाेपालय विष्ट काेषाध्षक्ष कृष्ण श्रेष्ठ सदस्य शिशिर पोख्रेल नारायणी पाेख्रेल र देवका कुवँर निर्विराेध निर्वाचित भएका हुन ।
कार्यक्रम बोल्दै नेकपा एमालेका केन्द्रिय सदस्य तथा मिसन ग्रासरुट अभियानका सदस्य घनश्याम पाण्डेले पेशागत सुरक्षाको लागि सबै पेशाकर्मीहरु एकजुट हुनुपर्ने बताएका छन् । पेशागत महासंघ नेपाल प्युठानको तेस्रो अधिबेशनको प्रमुख अतिथि समेत रहेका पाण्डेले मुलुकको समृद्धिको लागि पेशाकर्मीको महत्त्वपूर्ण भुमिका भएकोले यस् तर्फ एकढिक्क भएर लाग्नुपर्ने बताए हुन ।
नेकपा एमाले जिल्ला अध्यक्ष बिजय बिराज बिष्टले सबै पेशाकर्मीहरुले जवाफदेही भएर जनताको काम गर्नुपर्ने बताएका छन । उनले भने,"समृद्धिको आधार पेशाकर्मी भएकोले जिम्मेवार हुनुस।" पेशागत मर्यादालाई आत्मसात गर्दै अगाडि बढ्नुपर्ने उनले बताए ।
कार्यक्रममा बोल्दै नवनिर्वाचित अध्यक्ष दल बहादुर के.सी.ले पेशागत महासंघ नेपालमा आबद्व सबै घटकका सदस्यहरुको सुरक्षा र संगठनको हितका लागि निस्वार्थ रुपमा निरन्तर काम गर्ने बताए । हाम्रो नेतृत्वमा पेशागत महासंघलाई थप ब्यवस्थित गर्दै जाने उनले बताए । सबै पदाधिकारीहरुलाई संगठनप्रति ईमन्दार भएर काम गर्न आग्रह समेत गरे।संगठनका हक अधिकार, सुरक्षा र जायज माग सम्बोधनका लागि स्थानीय तह,जिल्ला प्रदेश हुँदै केन्द्र सम्मपैरवी गर्ने उनको भनाई थियो ।
अधिबेशनले प्रगति प्रतिबेदन र आर्थिक प्रतिबेदन अनुमोदन गर्दै भाबी कार्यक्रम समेत अनुमोदन गरेको महासंघ अध्यक्ष देबि प्रसाद रिजालले जानकारी दिए ।
महासंघका देबि प्रसाद रिजालको अध्यक्षतामा भएको कार्यक्रमको संचालन सचीव बसुदेब गिरी गरेका थिए ।
सम्बन्धित खवर
प्रतिक्रियाहरू (0)
प्रतिक्रिया राख्नुहोस्
प्रतिक्रिया राख्नुहोस्