पैरवी अनलाइन
प्यूठान,यस बर्षको माध्यमिक शिक्षा परीक्षा (एसइई) अन्तर्गत प्युठानमा मनसुन पाण्डे जिल्ला प्रथम भएकी छन।
कालिका अंग्रेजी आवासीय माध्यमिक विद्यालयमा अध्यनरत छात्रा पाण्डे जिल्ला प्रथम भएकि हुन् । उनले ४ जीपीए अंक ल्याएकि छन् । ईकाईका अनुसार लोक चेतन इङलिस बोर्डिङ स्कुलका बिकास रिजालले ३.९० जीपिए का साथ दोस्रो र प्यूठान भ्याली एकेडेमीका योगेश भण्डारीले ३ं.८५ जिपिए ल्याउदै तेस्रो स्थान हासिल गर्न सफल भएका छन । शिक्षा विकास तथा समन्वय इकाई प्यूठानले यसलाई प्रारम्भिक नतिजा भनेको छ।
नर्सरी देखि नै प्रथम हुँदै आएकि पाण्डेले एसईईमा जिल्ला प्रथम हुदा खुसी लागेको बताइन् ।प्यूठान नगरपालिका ८ खप्रेङ्गखोला निवासी पाण्डे बुबा आमासंगै बसेर कालिकामा अध्यन गर्थिन ।
पाण्डेकी आमा रचना र बुवा सेर बहादुर पाण्डे दुवै जना कालिका बोर्डिङकै शिक्षक हुन् ।पाण्डे कक्षा नर्सरी देखि नै प्रथम आउने गरेको उनका बाबुको भनाई छ।
एसईईमा प्युठानबाट कुल ४ हजार २०६ जना परीक्षार्थी सहभागि थिए । यस मध्य १३ जनाले ‘ए’ प्लस ल्याएको शिक्षा विकास तथा समन्वय इकाई प्यूठानका प्रमुख शिव पाण्डितले बताए । ६८ जनाले ए, १ सय ९५ जनाले बी प्लस, ६ सय १७ जनाले बी, १ हजार ६ सय ६१ जनाले सी प्लस, १ हजार ३ सय ९३ जनाले सी, १ सय ९ जनाले डी ग्रेड ल्याएका छन् । १ सय ५० जना विद्यार्थी परीक्षामा सहभागी नै नभएको समन्वय इकाई प्यूठानले जानकारी दिएको हो ।
सम्बन्धित खवर
प्रतिक्रियाहरू (0)
प्रतिक्रिया राख्नुहोस्
प्रतिक्रिया राख्नुहोस्